Sot janë finalizuar 51 marrëveshje për përfituesit e Fondit për Ndërmarrësi, një nga nismat më të suksesshme lokale në nivel vendi, e dedikuar për të rinjtë dhe gratë e komunës së Gjilanit.
Në total, janë ndarë 181,251.76 euro për këta 51 përfitues, të cilët tashmë do të kenë mundësinë të zhvillojnë idetë dhe bizneset e tyre.
Lajmi është bërë i ditur nga faqja zyrtare e kryetarit të Komunës së Gjilanit, Alban Hyseni, i cili e cilësoi këtë fond si një ndër premtimet e përmbushura të mandatit të tij.
“Fondi për Ndërmarrësi është një nga zotimet tona të realizuara që nga fillimi i mandatit dhe do të vazhdojë me përkushtim edhe gjatë katër viteve të ardhshme të qeverisjes sonë,” thuhet në njoftim.
