Gjilan, 26 tetor 2026 — Drejtoria Rajonale e Policisë në Gjilan ka arritur rezultate të shkëlqyera në lojërat sportive të organizuara nga Sindikata e Policisë së Kosovës, të zhvilluara për nder të zyrtarëve policorë që kanë rënë në kryerje të detyrës.
Gjatë këtyre garave, zyrtarët policorë nga Gjilani dëshmuan përkushtim të lartë, disiplinë dhe përgatitje të shkëlqyer fizike e taktike, duke u shpërblyer me çmimet kryesore në disa disiplina:
Volejboll: Vendi i parë (Kampionë)
Shenjëtari (Garimi ekipor): Vendi i tretë
Shenjëtari (Garimi individual): Vendi i parë
Këto arritje konfirmojnë se, përveç përkushtimit të përditshëm për sigurinë e qytetarëve, pjesëtarët e Policisë së Kosovës mbajnë standarde të larta edhe në promovimin e vlerave sportive, disiplinës dhe frymës ekipore.
