Oficerët doganorë në pikën kufitare të Vermicës kanë parandaluar disa dërgesa të postave të shpejta gjatë tentativave për kontrabandim të mallrave të ndryshme.
Sipas vlerësimeve fillestare, vlera e këtyre mallrave kap shumën mbi 5,000 euro, ndërsa zyrtarët doganorë po verifikojnë saktësisht vlerën totale dhe përputhshmërinë e dokumentacionit të dërgesave me rregullat doganore në fuqi.
Ndaj personave përgjegjës janë inicuar procedurat kundërvajtëse, ndërsa mallrat janë sekuestruar në përputhje me ligjin.
Dogana e Kosovës rikujton përkushtimin e saj në zbatimin e ligjit, transparencën dhe integritetin në çdo procedurë doganore, duke parandaluar çdo tentativë për shmangie të detyrimeve ligjore dhe dëmtim të tregut të ndershëm.
