Drejtoria e Spitalit të Përgjithshëm në Gjilan ka njoftuar se për shkak të renovimeve që po zhvillohen, disa shërbime do të transferohen në objektin e Gjinekologjisë.
Nga sot, 16 shtator 2025, ora 15:00, Shërbimi i Emergjencës fillon punën në objektin e Gjinekologjisë, kati i parë, hyrja kryesore.
Në objektin e Gjinekologjisë do të funksionojnë këto shërbime:
- Kati I: Laboratori, Qendra e Mjekësisë Familjare, Emergjenca, Ambulanca Specialistike
- Kati II: Gjinekologji & Akusheri, Neonatologji, Kirurgji, Ortopedi, Sallat Operative
- Kati III: ORL, Oftalmologjia, Urologjia, Patologjia, ÇEV
Drejtoria e spitalit bën thirrje për mirëkuptim nga qytetarët e Gjilanit, Anamoravës dhe më gjerë gjatë periudhës së zhvendosjes së shërbimeve.
