Në kuadër të përgatitjeve për zgjedhjet e parakohshme parlamentare që do të mbahen më 28 dhjetor 2025, Komisioni Qendror i Zgjedhjeve (KQZ) ka paraparë zhvillimin e disa aktiviteteve informuese me akterë lokalë, përfshirë edhe studentët.
Qëllimi i këtyre takimeve është shpërndarja e informacioneve të sakta dhe të plota lidhur me procesin zgjedhor, përfshirë:
* Regjistrimin dhe votimin jashtë Kosovës
* Qendrat e votimit
* Votimin me kusht dhe me asistencë
* Mënyrën e votimit
* Transparencën në vendvotime (kamerat)
* Qendrat komunale të numërimit
* Procedurat për regjistrim dhe votim të personave me nevoja të veçanta
Takimi do të mbahet të mërkurën, më 10.12.2025, ora 13:00, në sallën B01, në UKZ.
Ky aktivitet synon që informacioni i duhur të arrijë tek të gjithë votuesit e mundshëm, duke rritur ndërgjegjësimin dhe pjesëmarrjen në procesin zgjedhor.
