Në kuadër të vizitës në Turqi, kryetari i Komunës së Gjilanit Alban Hyseni, ka vizituar Shoqatën Kulturore dhe Humanitare për Kosovë, Shqipëri dhe Maqedoni të Veriut, ku është pritur nga bashkëvendasit tanë.
“Është kënaqësi e jashtëzakonshme të takojmë bashkëkombësit tanë në këtë shoqatë, e cila luan një rol të rëndësishëm në ruajtjen e identitetit kombëtar”, tha Hyseni gjatë këtij takimi të përzemërt.
Në këtë vizitë, kryetari ishte i shoqëruar nga kandidatët për deputetë Bajram Mavriqi dhe Albert Selishta, ndërsa delegacionin e priti kryetari i shoqatës, z. Recep Gündüz.
Gjatë takimit u diskutua për sfidat me të cilat përballen shqiptarët në mërgatë dhe për rolin e rëndësishëm të diasporës në mbështetjen e atdheut.
Nga Komuna e Gjilanit u shprehën falënderime të veçanta për mikpritjen, respektin dhe nderin e treguar nga shoqata gjatë këtij takimi.
