KV Drita – Femrat zyrtarizon përforcimin ndërkombëtar: Biamba Kabengele në Gjilan
KV Drita – Femrat vazhdon ndërtimin e skuadrës për sezonin e ri dhe zyrtarizon përforcimin e radhës.
Bëhet fjalë për lojtaren kanadeze Biamba Kabengele, e cila vjen në Gjilan me një kombinim të vlefshëm përvoje dhe cilësie.
Kabengele ka luajtur më parë në volejbollin universitar amerikan (SHBA) dhe në Superligën e Francës, duke sjellë eksperiencë ndërkombëtare dhe mentalitet garues në skuadër.
Me prezencën e saj fizike, disiplinën taktike dhe potencialin e lartë, ajo pritet të kontribuojë maksimalisht për objektivat e KV Dritës.
Presidenti i klubit, Idriz Berisha, po vazhdon ndërtimin e një skuadre të fortë dhe të balancuar, duke sjellë përforcime cilësore me eksperiencë ndërkombëtare, me synimin e qartë: rikthimin e KV Dritës aty ku e meriton.
Me afrimin e Kabengele, KV Drita tregon se nuk ndërton vetëm për pjesëmarrje, por për stabilitet, konkurrencë dhe fitore në çdo ndeshje.
