Një njeri shumë i dashur dhe i çmuar ka ndërruar jetë për futbollistin Mirlind Daku. Lajmin e trishtë ai e ka bërë publik përmes një postimi prekës në rrjetet sociale, ku ka ndarë fjalë plot emocion për xhaxhain e tij të ndjerë.
“Pushofsh në paqe, xhaxha i dashur 🤍
Ti nuk ishe vetëm xhaxhai im — ishe njeriu që ma fali emrin dhe një pjesë të identitetit tim.
Që nga sot, emri që mbaj do të jetë gjithmonë kujtim i gjallë i dashurisë, krenarisë dhe respektit që kishe për mua.
Do të jetosh përherë në zemrën time dhe në çdo hap që do të bëj.
Zoti të mëshiroftë dhe të shpërbleftë me Xhenet.”
