Sot, Islamic Relief Kosova, në bashkëpunim me Drejtorinë e Mirëqenies Sociale në Gjilan, ka nisur shpërndarjen e 50 pakove ushqimore për familjet në gjendje të rëndë sociale.
Këtë e ka bërë të ditur Dardan Veseli, përfaqësues i shoqatës Islamic Relief Kosova në Gjilan, i cili ka theksuar se përkrahja për familjet në nevojë po vazhdon edhe gjatë këtij muaji.
Ai ka bërë të ditur se shoqata, përveç 1.400 familjeve me jetimë, të cilave u janë shpërndarë pako ushqimore, po arrin të mbulojë edhe një pjesë të familjeve me raste sociale.
Sipas tij, i gjithë ky aktivitet po realizohet në bashkëpunim me komunat e Kosovës, e në këtë rast me Komunën e Gjilanit.
