Shefik Surdulli, kandidati për këshilltar komunal nga radhët e PDK-së, nuk e sheh politikën thjesht si detyrë, por si një marrëdhënie të sinqertë me qytetarin.
Ai premton se çdo shqetësim, çdo hall dhe çdo projekt për zhvillimin e qytetit, lagjes apo fshatit, do të jetë pjesë e përkushtimit të tij personal.
Si pjesë e këtij angazhimi, Surdulli propozon një kontratë publike dhe zotuese me qytetarin: çdo votë e dhënë nuk do të jetë thjesht një mbështetje simbolike, por një marrëveshje reale, ku qytetari mund të presë përgjegjësi, transparencë dhe rezultate konkrete.
Ai i fton të rinjtë, studentët, mësimdhënësit, mjekët, pensionistët, afaristët, fermerët dhe të gjithë të tjerët, që të jenë pjesë e këtij rrugëtimi, duke garantuar se zëri i tyre do të shndërrohet në veprim të prekshëm.
Surdulli dëshiron që çdo qytetar të ndjejë se nuk është vetëm një numër në listë, por një partner i vërtetë në vendimmarrje.
Përmes kësaj kontrate besimi, ai synon të krijojë lidhje të forta mes qytetarit dhe institucioneve, ku besimi i dhënë kthehet në rezultate konkrete dhe përmirësim të jetës së komunitetit.
/shkrim i sponsorizuar/
