Xhudistët e Klubit të Xhudos Gjilani janë kthyer me rezultate pozitive nga gara ndërkombëtare “Rozhaje Open 2026”, ku përfaqësuan qytetin e Gjilanit me paraqitje dinjitoze dhe shpirt garues.
Në këtë aktivitet sportiv, xhudistët gjilanas arritën të sigurojnë gjithsej shtatë medalje.
Me medalje të argjendtë u dekorua Ylljeta Sylejmani, ndërsa medalje të bronzta fituan Isra Halimi, Agnesa Berisha, Rilind Sylejmani, Belkiza Rexha, Elisa Osmani dhe Arton Sylejmani.
Përkushtim të lartë gjatë përballjeve treguan edhe garuesit Luan Berisha, Sumeja Ramadani dhe Stina Fejzullahu, të cilët megjithëse mbetën jashtë zonës së medaljeve, dhanë një kontribut të rëndësishëm në përfaqësimin e klubit.
Nga Klubi i Xhudos Gjilani bëjnë të ditur se pjesëmarrja në këtë turne u realizua me vetëfinancim, si pjesë e përpjekjeve të vazhdueshme për zhvillimin e brezit të ri të sportistëve dhe përgatitjen e tyre për sfidat e ardhshme.
