Fisnik Rexhepi, nga Gjilani dhe aktualisht banues në Prishtinë, njëri nga drejtuesit e fabrikës së Radiatorëve në Gjilan, ka kujtuar sot një ngjarje të veçantë të rinisë së tij, të lidhur me 11 shtatorin e vitit 2001.
Në një postim në rrjete sociale, Rexhepi ka shkruar se para 24 vitesh, bashkë me shokë e shoqe, kishin organizuar një tubim në qendër të Gjilanit për të nderuar viktimat e sulmeve terroriste në Nju Jork. Ai ka theksuar rëndësinë e kujtesës dhe solidaritetit me ata që humbën jetën në këtë ngjarje historike.
Ky postim shërben si një kujtesë e gjallë për solidaritetin dhe humanizmin që qytetarët e Gjilanit kanë treguar edhe në kohët e vështira.
