Drita fiton në Irlandë, Ajzeraj shënon golin e fitores ndaj Shelbourne
Skuadra e Dritës ka arritur fitoren e parë në këtë edicion të UEFA Conference League, duke mposhtur në udhëtim ekipin irlandez Shelbourne me rezultat 1:0.
Golin vendimtar e shënoi Almir Ajzeraj në minutën e 58-të, pas një aksioni të ndërtuar me kujdes nga skuadra bardhekaltër, që u shpërblye me tri pikë të merituara.
Drita me një lojtar më shumë në fushë
Ndeshja mori kthesë pas përjashtimit të lojtarit vendas J. Norris, i cili u ndëshkua me karton të kuq, duke i lënë vendasit me një lojtar më pak.
Këtë avantazh numerik, Drita e shfrytëzoi me zgjuarsi, duke rritur presionin sidomos në fund të pjesës së parë, ndonëse në pushim skuadrat shkuan me portat e paprekura.
Ajzeraj vendos rezultatin, Drita ngjitet në tabelë
Në pjesën e dytë, gjilanasit u shpërblyen me golin e Ajzerajt, që vulosi fitoren e rëndësishme jashtë fushe.
Pas këtij triumfi, Drita ngjitet në pozitën e 14-të me 5 pikë, duke mbajtur gjallë shpresat për vazhdim të suksesshëm në grupet e garës.
Bejtullahu, lojtari i ndeshjes
Sipas vlerësimeve statistikore, Egzon Bejtullahu është zgjedhur lojtari i ndeshjes me notën 7.9, duke u dalluar me paraqitje të shkëlqyer në mbrojtje.
Pas tij renditen Sheji me 7.8 dhe Ajzeraj me 7.6.
