Një pamje jo e mirë me mbeturina të hedhura ka nxitur reagime të ashpra nga banorët e fshatit Miresh.
Përmes një postimi në faqen zyrtare të fshatit, ku janë publikuar edhe fotografitë e vendit të ndotur, është ngritur shqetësimi për mungesën e kujdesit ndaj mjedisit.
Në reagimin e bërë me mllef, përgjegjësia i është adresuar kryesisht edukimit familjar dhe vetëdijesimit të të rinjve.
”Këtu nuk kanë faj fëmijët, kjo është dështim i madh i prindërve në edukimin e tyre!”, thuhet ndër të tjera në reagimin e publikuar në faqen e fshatit, ku kërkohet më shumë kujdes dhe përgjegjësi për ambientin ku jetojnë.
Foto të ndryshme të postuara tregonin mbeturina të shpërndara në hapësira publike, gjë që ka nxitur diskutime të shumta mes bashkëfshatarëve për nevojën e reagimit dhe vetëdijesimit më të madh komunitar.
