Viti i ri shkollor ka trokitur me lajme të gëzueshme për arsimin dhe komunitetin e matematikës.
Profesor Bregan Isufi, figura e mirënjohur nga Gjilani dhe kryetar i Shoqatës së Matematikanëve të këtij qyteti, ka shënuar një faqe të re në udhëtimin e tij arsimor.
Përmes përkushtimit të gjatë dhe pasionit të pashtershëm për shkencën e numrave, Profesor Isufi është avancuar në nivelin e arsimit universitar.
Këtë vit, ai u pranua si asistent mësimdhënës i matematikës në Fakultetin e Inxhinierisë Elektrike dhe Kompjuterike (FIEK) në Universitetin e Prishtinës.
Gjatë viteve të tij të punës, ai ka spikatur jo vetëm për cilësitë e larta pedagogjike, por edhe për integritetin e tij moral e profesional.
Me një qëndrim gjithmonë dinjitoz dhe dashuri për profesionin, ai ka frymëzuar breza të tërë nxënësish, ndërsa sot këtë përvojë të pasur po e bart në auditorët universitare.
Lajmi i pranimit në këtë detyrë të re është pritur me respekt të madh nga kolegët dhe komuniteti arsimor, të cilët shohin te ky avancim kurorëzimin e merituar të një pune të palodhshme në shërbim të dijes.
