Sonte në “Fadil Vokrri”: Kosova përballet me Irlandën në hapjen e edicionit të ri të Ligës së Kombeve
Kombëtarja e Kosovës zbret sonte në fushë për të zhvilluar ndeshjen e parë të edicionit 2026/27 në Ligën e Kombeve. Përballja e vlefshme për Grupin B3 ndaj Irlandës do të luhet me fillim nga ora 20:45 në stadiumin “Fadil Vokrri” në Prishtinë.
Atmosfera në taborin e Dardanëve është mjaft optimiste, teksa skuadra synon ta shfrytëzojë avantazhin e fushës vendëse për të marrë tri pikët e para. Shtabi teknik i ka të gjithë lojtarët në dispozicion, ndërsa interesimi nga tifozët është i jashtëzakonshëm.
Atmosfera festive në kryeqytet pritet të kulmojë në mbrëmje, ku Dardanët kërkojnë nisjen e mbarë të këtij cikli garues.
