Asambleisti i Lëvizjes Qytetare “Vatra”, Kushtrim Kadriu, ka takuar sot në Gjilan kryetarin e Bashkimit Demokratik për Ndryshim në Anamoravë, Isa Agushin, në kuadër të aktiviteteve mobilizuese për zgjedhjet që do të mehen nesër në Serbi.
Përmes një njoftimi, Kadriu bëri me dije se fokusi kryesor i këtij takimi ishte ndërgjegjësimi dhe mobilizimi i qytetarëve nga Kosova Lindore që aktualisht jetojnë në Kosovë, me qëllim që të marrin pjesë masivisht në votime.
Së bashku me Agushin, ai u bëri thirrje të gjithë bashkëatdhetarëve nga Lugina që të shfrytëzojnë të drejtën e tyre të votës.
“Isa Agushi ka një lidhje të veçantë, jo vetëm politike, por edhe emocionale e atdhetare me çështjen e shqiptarëve të Kosovës Lindore. Këtë përkushtim e ka dëshmuar ndër vite, duke dhënë kontribut të drejtpërdrejtë edhe gjatë luftës çlirimtare,” ka deklaruar Kadriu.
Në fund, u theksua se pjesëmarrja e sa më parë në këto zgjedhje është një mundësi direkte për të fuqizuar zërin dhe përfaqësimin politik të shqiptarëve në Kosovën Lindore.
