Alban Hyseni drejt fitores pa balotazh, vetëm 1,300 vota e ndajnë nga mandati i dytë!
Alban Hyseni, kryetari aktual i Gjilanit dhe kandidati i Lëvizjes VETËVENDOSJE!, po qëndron një hap larg fitores pa balotazh.
Me 49,79% të votave apo 21,463 vota, ai ka dominuar në raundin e parë, duke lënë pas kandidatin e LDK-së, Arbër Ismajli, i cili ka marrë 34,24% apo 14,761 vota.
Sipas burimeve brenda VV-së, Hysenit i duhen edhe rreth 1,300 vota për ta vulosur fitoren që në raundin e parë.
Fati i garës mund të vendoset nga 2,066 votat e diasporës dhe 400 votat me kusht, të cilat pritet të jenë përcaktuese.
Nëse më shumë se gjysma e tyre shkojnë për Hysenin, ai do ta sigurojë mandatin e dytë pa balotazh.
Në këto zgjedhje kanë marrë pjesë 43,108 qytetarë nga 107,858 të regjistruar, ose 39,97%, ndërsa procesi është zhvilluar në 133 vendvotime në gjithë komunën e Gjilanit.
Qytetarë të shumtë të Gjilanit po presin rezultatet përfundimtare për të parë, nëse Alban Hyseni do të konfirmohet në krye të komunës edhe për një mandat të dytë.
