Në kuadër të bashkëpunimit me Institutin e Historisë “Ali Hadri” Prishtinë, Gjimnazi Shoqëror “Zenel Hajdini” në Gjilan ka pranuar një donacion të çmuar librash nga drejtoresha e institutit, znj. Teuta Shala.
Librat e dhuruar do të pasurojnë fondin e bibliotekës së shkollës, duke u vënë në shërbim të nxënësve dhe stafit akademik.
Në emër të shkollës, Koordinatori i Cilësisë, Ilir Vokshi, ka shprehur mirënjohje dhe falënderim për këtë mbështetje të vyer në shërbim të arsimit dhe dijes.
