Kryetari i Gjilanit dhe këshilltarët komunalë japin betimin më 10 dhjetor
Pas certifikimit të rezultateve të zgjedhjeve nga Komisioni Qendror i Zgjedhjeve për kryetar të Komunës së Gjilanit dhe për anëtarët e Kuvendit Komunal, kryetari i zgjedhur Alban Hyseni ka ftuar këshilltarët e rinj për dhënien e betimit.
Seanca inauguruese e Kuvendit Komunal dhe e kryetarit të Komunës së Gjilanit do të mbahet më 10 dhjetor 2025, duke filluar nga ora 10:00, në ambientet e Shkollës së Mesme të Agrobiznesit dhe Teknologjisë “Sahit Baftiu”.
Në këtë mbledhje solemne, kryetari Alban Hyseni dhe anëtarët e rinj të Asamblesë Komunale do ta japin betimin, duke shënuar fillimin zyrtar të mandatit të tyre të ri.
Seanca do të udhëhiqet nga anëtari më i vjetër, Isa Agushi.
