Analizë politike: Rënia e LDK-së dhe dominimi i VV-së
Nga Muhadin Haziri
1. Fitorja e VV-së me përqindje të lartë
Fitorja e Lëvizjes Vetëvendosje me përqindje kaq të madhe nuk është vetëm rezultat i mobilizimit të elektoratit të saj, por pasojë direkte e zhgënjimit të sovranit ndaj partive tradicionale, në veçanti ndaj LDK-së. VV ka arritur të projektojë:
• imazh të vendimmarrjes së fortë,
• diskurs kundër pazareve politike,
• perceptim të reformës dhe ndryshimit.
Në politikë, boshllëqet nuk mbesin bosh – dikush i mbush.
2. LDK dikur parti dominuese, sot në rënie
LDK deri në vitin 2009 konsiderohej parti me përqindjen më të madhe në nivel vendi. Sot, rreth 13% është një tregues alarmant dhe kërkon analizë serioze, jo arsyetime sipërfaqësore.
Faktorët kryesorë të rënies:
• Pazaret politike dhe rrëzimi i qeverive për interesa personale, që kanë lënduar rëndë besimin e elektoratit.
• Mbyllja e partisë në grupe të ngushta, ku pozitat qarkullojnë mes të njëjtëve emra.
• Reforma vetëm formale, pa ndryshim real të strukturës dhe mendësisë.
• Mungesë e figurave unifikuese, që do të sillnin prurje të reja dhe shpresë.
3. Pas vdekjes së Presidentit Historik
Pas vdekjes së Presidentit Ibrahim Rugova, LDK:
• nuk ka fituar asnjëherë zgjedhje nacionale,
• shpesh ka luajtur rolin e “partnerit të domosdoshëm”, por jo udhëheqës,
• ka shërbyer më shumë për stabilizimin e subjekteve të tjera sesa për ringritjen e vet.
Kjo ka krijuar perceptimin se LDK ekziston për pozita, jo për fitore
4. Debati i brendshëm i gabuar
Në vend që të debatohet:
• për vizion,
• për ide,
• për figura të reja dhe përfaqësuese,
brenda LDK-së shpesh debatohet:
• kush është numri 2,
• kush mbetet në top 10,
• kush kontrollon strukturat.
Ky debat i brendshëm nuk e prek sovranin, prandaj edhe sovrani largohet.
5. Keqkuptimi i rolit institucional
LDK është parti e djathtë, por sot as ideologjikisht nuk është e qartë. Diskursi se “Kryeministri dhe Presidenti kalojnë nga zyrat e LDK-së” është i vjetruar dhe i dëmshëm.
Sot:
• Kryeministri dhe Presidenti kalojnë vetëm nga vota e sovranit.
• Askush nuk trashëgon pushtet përmes historisë, por përmes besimit aktual.
6. Çfarë kërkohet realisht?
LDK-ja ka nevojë për:
• analizë të sinqertë dhe jo mbrojtëse,
• ndryshim të thellë strukturor, jo kozmetik,
• hapje ndaj gjeneratave të reja,
• largim nga logjika e pazareve,
• rikthim te parimet, jo te emrat.
Pa këtë, trendi i rënies do të vazhdojë, pavarësisht “reformave” të shpallura.
Përfundim
Ajo që po ndodh me LDK-në është e dhimbshme, jo vetëm për partinë, por për pluralizmin politik në Kosovë. Një LDK e dobët nuk është fitore afatgjate për demokracinë. Por ndryshimi nuk vjen nga deklaratat vjen nga guximi për t’u përballur me të vërtetën.
Kjo është arsyeja pse më dhemb LDK-ja. Jo sepse humbi pushtetin, por sepse po humb lidhjen me sovranin dhe me arsyen pse u krijua
(Autori është këshilltar komunal nga radhët e LDK në Gjilan)
