FC Drita nuk ka arritur të marrë më shumë se një pikë përpara tifozëve të vet, duke barazuar pa gola (0:0) ndaj Drenicës, në ndeshjen e vlefshme për javën e katërt të Superligës së Kosovës në futboll.
Në një atmosferë elektrizuese në stadiumin e Gjilanit, ku përkrahja e zjarrtë e “Intelektualëve” dhe flakadanët nën dritat e reflektorëve krijuan një pamje spektakolare, skuadra vendase nuk arriti ta dërgonte topin në rrjetë.
Përkundër dominimit dhe disa rasteve të pastra për shënim të krijuara nga bardhekaltrit përgjatë 90 minutave, mungesa e efikasitetit para portës bëri që rezultati të mbetet ai i fillimit.
Në anën tjetër, Drenica tregoi një lojë mjaft disiplinuar , ku mbrojtja drenicake ishte në nivelin më të lartë detyrës, duke i mbyllur të gjitha hapësirat dhe duke dalë me një pikë mjaft të vlefshme nga ky udhëtim i vështirë.
Me këtë barazim, Drita lë lëshon pikë të rëndësishme në shtëpi në garën për kreun e tabelës, ndërsa Drenica kthehet në Skënderaj me moral të lartë pas kësaj paraqitjeje defensive mjaft solide.
