Kryetari Alban Hyseni prezanton drejtorin e ri të Arsimit në Gjilan
Kryetari i Komunës së Gjilanit, Alban Hyseni, ka udhëhequr mbledhjen e radhës të Bordit të Drejtorëve, ku ka bërë të ditur ndryshimin e ri në kabinetin e tij qeverisës. Përmes një njoftimi zyrtar, kreu i komunës ka prezantuar Jeton Rexhepin si drejtorin e ri të Arsimit.
Sipas kryetarit Hyseni, Jeton Rexhepi i bashkohet ekipit komunal me një mision të qartë: avancimin e cilësisë në arsim dhe shtyrjen përpara të reformave të nevojshme në këtë sektor jetik për qytetin.
“Na presin shumë projekte dhe punë konkrete në shërbim të nxënësve, mësimdhënësve dhe gjithë komunës sonë,” është shprehur kryetari, duke konfirmuar angazhimin e plotë të ekzekutivit për të përmirësuar kushtet në shkollat e Gjilanit.
Me këtë emërim, Drejtoria e Arsimit pritet të hyjë në një fazë të re të realizimit të objektivave, duke u fokusuar në cilësinë e mësimdhënies dhe infrastrukturën moderne shkollore.
