Klubi futbollistik Drita do të zhvillojë sonte në stadiumin „Fadil Vokrri“ në Prishtinë ndeshjen e kthimit përballë skuadrës malteze Floriana, një mundësi fantastike kjo që djelmoshat bardhekaltër të sigurojnë kualifikimin për në raundin tjetër para tifozëve të tyre.
Ndeshja e parë e zhvilluar në Maltë ka përfunduar me rezultat të barabartë 1:1, duke e lënë gjithçka të hapur për takimin e sotëm vendimtar.
Trajneri i Dritës, Zekirija Ramadani, si dhe i gjithë tabori bardhekaltër janë tejet optimistë për të kaluar këtë pengesë dhe për të vazhduar rrugëtimin në garat evropiane.
Skuadra që do të dalë fituese nga kjo përballje, në raundin tjetër do të përballet me ekipën Tre Fiori nga San Marino.
