Universiteti “Kadri Zeka” nënshkruan memorandum bashkëpunimi me Universitetin Arel të Stambollit
Universiteti Publik Universiteti Publik “Kadri Zeka” ka nënshkruar Memorandum Mirëkuptimi me Universiteti Arel, me synim forcimin e bashkëpunimit akademik, shkencor dhe kulturor ndërmjet dy institucioneve.
Marrëveshja u nënshkrua nga Rektori i Universitetit Arel, Prof. Dr. Ersin GÖSE dhe Rektori i Universitetit “Kadri Zeka”, Prof. Asoc. Dr. Artan Dërmaku.
Ky memorandum parasheh bashkëpunim në fusha të ndryshme, përfshirë shkëmbimin e studentëve dhe stafit akademik, organizimin e aktiviteteve shkencore, shkëmbimin e publikimeve akademike, zhvillimin profesional dhe programe të përbashkëta arsimore.
Sipas memorandumit, bashkëpunimi do të zhvillohet mbi bazën e reciprocitetit dhe interesit të ndërsjellë, duke krijuar mundësi të reja për studentët dhe stafin akademik të të dy universiteteve.
Universiteti “Kadri Zeka” ka theksuar përkushtimin për zgjerimin e bashkëpunimit ndërkombëtar dhe krijimin e partneriteteve strategjike në funksion të ngritjes së cilësisë në arsim dhe kërkim shkencor.
