Një lajm i hidhur ka prekur sot komunitetin e Gjilanit.
Ka ndërruar jetë Hajrush (Selim) Krasniqi, një nga personalitetet e spikatura dhe mjaft i respektuar në qytet, i cili dha kontribut të çmueshëm si në zhvillimin ekonomik, ashtu edhe në jetën sportive.
Njoftimin për ndarjen e tij nga jeta e kanë bërë të ditur anëtarët e familjes.
I ndjeri Hajrush Krasniqi mbahet mend si një nga ekonomistët e parë të gjeneratave të hershme në Gjilan.
Gjatë tërë veprimtarisë së tij profesionale, ai u shqua për përkushtim të lartë, integritet, punë të zellshme dhe seriozitet të jashtëzakonshëm, veti këto që e bënë atë një personazh mjaft të çmuar dhe të nderuar në çdo ambient ku veproi.
Përveç veprimtarisë në fushën e ekonomisë, Krasniqi ishte një emër i njohur dhe i mirëpritur edhe në arenën sportive lokale.
Si futbollist i dalluar, ai mbrojti me krenari ngjyrat e të dyja skuadrave të qytetit të Gjilanit, duke lënë gjurmë të pashlyeshme në historinë e futbollit gjilanas.
Njoftimi i plotë i familjes për ceremoninë e funeralit:
Koha e varrimit: E martë, 18 gusht 2026, pas namazit të ikindisë
Vendi: Varrezat e qytetit në Gjilan
Redaksia u shpreh ngushëllimet më të sinqerta familjes Krasniqi, miqve dhe të gjithë atyre që e njohën e e çmuan të ndjerin. Allahu e mëshiroftë dhe e shpërbleftë me Xhenet!
