Gjilani nuk ka arritur të shfrytëzojë përparësinë e fushës vendëse, duke pësuar humbje përballë Prishtinës me rezultat 2:1, në kuadër të javës së shtatë të Superligës së Kosovës në futboll.
Me këtë sukses, skuadra kryeqytetase po kalon nëpër një formë të shkëlqyer, duke regjistruar fitoren e gjashtë rresht, ndonëse ka edhe një ndeshje më pak të zhvilluar.
Në krahun tjetër, për Gjilanin kjo përbën disfatën e dytë gjatë këtij edicioni garues.
Ndeshja u zhbllokua në minutën e 29-të, kur Arijanit Fazlija shënoi nga një pozitë ballore.
Portieri i Gjilanit, Çoriç, pse e preku topin, nuk arriti ta ndalte atë plotësisht. Megjithatë, reagimi i vendasve qe i menjëhershëm.
Vetëm pesë minuta më vonë, mesfushori defanziv Boshnjaku realizoi një gol të bukur me një gjuajtje të fortë e precize, duke barazuar shifrat në 1:1.
Në pjesën e dytë, në minutën e 65-të, Anio Poçi u tregua i saktë me kokë, duke kaluar sërish Prishtinën në epërsi prej 2:1.
Ndonsë nga minuta e 82-të kryeqytetasit mbetën me një lojtar më pak në fushë, ata arritën ta mbronin rezultatin deri në vërshëllimën përfundimtare të gjyqtarit.
