Në Gjilan u mbajt një tubim publik me pjesëmarrje të madhe qytetarësh, ku folën Kryetari i Komunës, Alban Hyseni, dhe Kryeministri i Kosovës, Albin Kurti.
Alban Hyseni theksoi se Gjilani dhe rajoni i Anamoravës kanë marrë vëmendje të shtuar institucionale, duke përmendur se aktualisht janë në realizim 11 projekte me vlerë mbi 80 milionë euro, kryesisht të financuara nga Qeveria e Kosovës.
Kryeministri Kurti foli për zhvillimet ekonomike në vend, duke deklaruar se rritja mesatare vjetore ka qenë rreth 6%, ndërsa qarkullimi i bizneseve private është dyfishuar krahasuar me vitin 2019. Ai përmendi gjithashtu investime në shëndetësi, përfshirë 8 milionë euro për Spitalin e Gjilanit, si dhe rritjen e buxhetit për barnat esenciale.
Në fjalën e tij, Kurti u ndal edhe te energjia, duke theksuar se sfidat aktuale lidhen me shpërndarjen dhe transmetimin, ndërsa paralajmëroi rritje të kapaciteteve nga burimet e ripërtëritshme dhe bashkëpunim rajonal. Ai përmendi edhe investimet në mbrojtje dhe pajisjen e Forcës së Sigurisë së Kosovës me sisteme të reja.
Në fund, kryeministri Kurti u bëri thirrje qytetarëve për pjesëmarrje të lartë në procesin e ardhshëm zgjedhor.
