Drejtori për Zhvillim Ekonomik, Haki Huruglica, ka vizituar Qendrën për Aftësim Profesional në Gjilan, ku ka parë nga afër punën që bëhet për përgatitjen e qytetarëve për tregun e punës.
Sipas tij, kjo qendër ofron trajnime në disa drejtime të rëndësishme si kontabiliteti, dizajni grafik, kuzhinieri, metal punimi, zdrukthëtaria dhe rrobaqepësia, duke i ndihmuar të rinjtë dhe të interesuarit të fitojnë aftësi praktike.
“Gjatë takimit me udhëheqësin e qendrës, Mujedin Zylfijaj, biseduan për bashkëpunimin në të ardhmen dhe për mënyrat se si mund të rrisim mundësitë për punësim në Anamoravë”, tha Huruglica.
Drejtori i Zhvillimit Ekonomik, theksoi se janë dakorduar që të vazhdojnë bashkëpunimin në projekte konkrete që lidhen me aftësimin profesional dhe lidhjen më të mirë të kandidatëve me tregun e punës.
