Karateistët e KK As nga Gjilani shkëlqejnë në “Kumanova Open 2026”, fitojnë shtatë medalje
Klubi i Karatesë As nga Gjilani ka shënuar një tjetër sukses në arenën ndërkombëtare, duke fituar gjithsej shtatë medalje në turneun “Kumanova Open 2026”, i mbajtur në Kumanovë të Maqedonisë së Veriut.
Klubi u përfaqësua me katër garuese, të cilat arritën të fitojnë 3 medalje të arta, 2 të argjendta dhe 2 të bronzta.
Medalistet e arta:
Erina Sherifi – Kumite -54 kg
Alnisa Miftari – Kata
Alnisa Miftari – Kumite -36 kg
Medalistet e argjendta:
Kiara Beqiri – Kata
Kiara Beqiri – Kumite +27 kg
Medalistet e bronzta:
Erina Sherifi – Kadete Open
Hatixhe Zejnullahu – Seniore Open
Nga klubi janë shprehur të kënaqur me rezultatet e arritura, duke theksuar se me këtë sukses kanë përmbyllur garat e sezonit në Kosovë dhe rajon.
Pas paraqitjes së suksesshme në Kumanovë, karateistet e KK As do të vazhdojnë përfaqësimin në gara ndërkombëtare, me destinacionet e radhës në Egjypt dhe Kroaci.
