Kjo poezi paraqet botën e pasur imagjinative të një fëmije, ku natyra dhe krijesat e saj marrin jetë përmes fantazisë.
Personifikimet si shiu që këndon dhe bari që gëzohet krijojnë një atmosferë të ngrohtë e magjike.
Vargu përmbyllës “Nesër të të tregoj” sjell elementin e misterit dhe zgjon kureshtjen e lexuesit, duke përcjellë gëzim, pafajësi dhe kreativitet fëmijëror.
NESËR TË TË TREGOJ
AVDUSH CANAJ
Unë e di
si këndon shiu,
si gëzohet bari,
për atë i meritoj
tri akullore në ditë.
Përrallëzen u buburrecit
unë e di
edhe shakanë e peshkut
në pyllin e koraleve,
për atë dallëndyshet
ma shkelin syrin.
Edhe për Benin
di diçka të bukur
me një zemër.
Nesër të të tregoj
në orën dymbëdhjetë.
