Gjatë këtij vikendi në Kosovë do të mbajë mot kryesisht me diell dhe i nxehtë, pa reshje atmosferike, bën të ditur Instituti Meteorologjik i Kosovës.
Të shtunën priten temperaturat më të larta, me maksimalet që do të arrijnë nga 32°C deri në 38°C, ndërsa minimalet do të lëvizin ndërmjet 11°C dhe 15°C. Era do të fryjë nga veriu dhe veriperëndimi me shpejtësi 1–4 m/s.
Për shkak të indeksit të lartë UV dhe ngarkesës termike, rekomandohet mbrojtje nga dielli gjatë mesditës.
Të dielën do të ketë një rënie të lehtë të temperaturave, ku maksimalet do të lëvizin nga 29°C deri në 34°C.
Për shkak të motit të thatë, në bujqësi rekomandohet monitorimi dhe ujitja e të mbjellave sipas nevojës.
