Në kuadër të aktiviteteve edukative në ShFMU “Rexhep Elmazi” në Gjilan, janë realizuar punëtori trajnuese me grupe të ndryshme nxënësish rreth temës “Pluralizmi dhe Respektimi i Diversitetit përmes Edukimit”.
Ky aktivitet ka pasur si synim kryesor nxitjen e tolerancës, mirëkuptimit, barazisë dhe gjithëpërfshirjes te brezi i ri, duke i fuqizuar nxënësit për të ndërtuar marrëdhënie të shëndosha dhe një mjedis shkollor ku secili ndihet i pranuar dhe i respektuar.
Përmes diskutimeve të hapura dhe aktiviteteve interaktive, pjesëmarrësit kanë reflektuar mbi rëndësinë e diversitetit dhe bashkëjetesës në një shoqëri pluraliste.
Punëtoria u udhëhoq nga profesori Nevzat Nevzati dhe psikologia Donjeta Lenjani, me një pjesëmarrje mjaft aktive të nxënësve gjatë gjithë sesionit.
Organizatorët kanë falënderuar nxënësit për përkushtimin e treguar, duke nënvizuar përpjekjen e përbashkët për ndërtimin e një mjedisi arsimor ku dallimet respektohen, zërat dëgjohen dhe secili ndihet i përfshirë./dita24h /
