Në Stacionin Policor në Gjilan është shënuar sot pensionimi i zyrtarit policor Selim Jashari, i cili për vite me radhë shërbeu me përkushtim të lartë në kuadër të Njësisë së Hetimeve.
Gjatë viteve të shërbimit, Jashari u shqua për përvojën, profesionalizmin dhe vullnetin e palodhshëm në kryerjen e detyrave, duke u kthyer në një shembull frymëzues për gjeneratat e reja të Policisë së Kosovës.
Kolegët dhe drejtuesit e stacionit vlerësuan lart kontributin e tij, duke theksuar se rruga e tij profesionale mbetet dëshmi se detyra e kryer me nder lë gjurmë të përhershme në shërbim të qytetarëve dhe sigurisë publike.
Me rastin e kalimit në këtë kapitull të ri të jetës, zyrtarit policor Selim Jashari i janë uruar shëndet, lumturi dhe jetë të gjatë pranë familjes së tij.
