Drejtoresha e Drejtorisë për Shëndetësi dhe Mirëqenie Sociale në Komunën e Gjilanit, Mimoza Kadriu, së bashku me drejtorin e Qendrës Kryesore të Mjekësisë Familjare (QKMF), Basri Kamberi, si dhe dy psikologet e kësaj qendre, kanë pritur sot në takim përfaqësueset e OJQ-së “Renesansa”.
Fokus kryesor i kësaj organizate është mbështetja e grave që përballen me kancerin e gjirit, si dhe i atyre që e kanë mbijetuar këtë sëmundje.
Gjatë takimit u diskutua hapur për mundësitë e bashkëpunimit dypalësh, adresimin e nevojave dhe kërkesave urgjente të kësaj kategorie, si dhe për mënyrat konkrete të përmirësimit të qasjes në shërbimet shëndetësore dhe mbështetjen psikologjike.
Nga ana e saj, Drejtoria e Shëndetësisë dhe Mirëqenies Sociale u zotua se do të vërë në dispozicion të gjitha kapacitetet ekzistuese brenda kompetencave të saj dhe shërbimeve që ofron QKMF-ja.
Qëllimi kryesor mbetet që çdo paciente dhe mbijetuese e sëmundjes të marrë kujdesin, mbështetjen dhe shërbimet e nevojshme mjekësore e psikologjike.
Drejtuesit komunalë theksuan se bashkëpunimi institucional me organizatat e shoqërisë civile që janë pranë këtyre grave është thelbësor për ndërtimin e shërbimeve më të qasshme, më cilësore dhe më të ndjeshme ndaj nevojave të tyre.
“Përtej trajtimit mjekësor, çdo grua ka nevojë për mbështetje, mirëkuptim dhe shpresë. Së bashku mund të bëjmë më shumë,” u nëvizua gjatë takimit.
