Në kuadër të Muajit të Solidaritetit, Kryqi i Kuq i Kosovës – Dega në Gjilan ka vazhduar angazhimin për mbështetjen e familjeve në nevojë përmes shpërndarjes së pakove ushqimore.
Në këtë nismë humanitare kanë kontribuar edhe disa qytetarë vullnetmirë, të cilët kanë dhuruar pako ushqimore duke zgjedhur që të mbeten anonimë.
Ndërkaq, falënderim i sinqertë i është adresuar edhe Qendrës Tregtare Haliti S.M për mbështetjen dhe kontributin e vazhdueshëm çdo vit, duke dëshmuar përkushtim ndaj familjeve në nevojë.
Kryqi i Kuq ka shprehur mirënjohje për të gjithë ata që solidaritetin e dëshmojnë me vepra dhe që qëndrojnë pranë qytetarëve që kanë më së shumti nevojë, duke bërë thirrje për vazhdimin e bashkëpunimit për një komunitet më solidar.
