Skuadra e Gjilanit ka shënuar fitoren e tretë radhazi në këtë kampionat, duke mposhtur Ferizajn si mysafirë me rezultat të ngushtë 1:2.
Kjo fitore e rëndësishme i ka dërguar gjilanasit në kuotën e 36 pikëve, duke e bërë garën për pozitën e tretë interesante, pasi Prishtina dhe Malisheva ndodhen vetëm një pikë larg tyre.
Ndeshja nisi mirë për mysafirët, kur në minutat e 22-të, kapiteni Armend Thaqi ekzekutoi në mënyrën e duhur një goditjeje, duke kaluar skuadrën e tij në epërsi prej 0:1, me një supergol.
Megjithatë, vendasit arritën të kundërpërgjigjen para përfundimit të pjesës së parë, kur në minutat e 39-të, Oguns barazoi shifrat në 1:1, rezultat ky që i dërgoi skuadrat në pushim.
Në pjesën e dytë, Gjilani u tregua më kërkues dhe gjeti golin e fitores në minutat e 78-të përmes sulmuesit Senad Jaroviq, i cili siguroi tri pikë të arta për ekipin e tij.
Me këtë triumf, Gjilani përfundon në pozitën e 5, por me këtë formë në javët e fundit, shanset për të siguruar një vend që dërgon në garat evropiane janë rritur.
