Shabani pret nënkryetarin Hüseyin, në fokus shërbimet për qytetarët
Drejtori i Administratës në Gjilan, Elbasan Shabani, ka pritur në takim pune nënkryetarin e Komunës, Kadir Hüseyin.
Takimi është zhvilluar në zyrën e Drejtorisë së Administratës së Përgjithshme, ku i pranishëm ishte edhe ushtruesi i detyrës së shefit të Gjendjes Civile, Agron Idrizi.
Gjatë këtij takimi u diskutua për funksionimin e administratës komunale dhe përmirësimin e shërbimeve ndaj qytetarëve.
Fokus i veçantë i bisedimeve ishte rritja e efikasitetit në ofrimin e shërbimeve të gjendjes civile, përmirësimi i proceseve administrative, si dhe forcimi i bashkëpunimit institucional për t’iu përgjigjur sa më mirë nevojave të qytetarëve të Gjilanit.
