Carabinierët Italianë, në bashkëpunim me Kryqin e Kuq të Kosovës (Dega Gjilan), kanë realizuar sot një aksion humanitar në mbështetje të një familjeje në gjendje të rëndë ekonomike.
Gjatë kësaj vizite, trupa italiane dhe vullnetarët e Kryqit të Kuq i dhuruan familjes pako me ushqime bazë dhe veshmbathje.
Anëtarët e familjes shprehën mirënjohje të thellë për këtë ndihmë, ndërsa organizatorët konfirmuan se bashkëpunimi për t’u dalë në ndihmë rasteve sociale do të vazhdojë edhe në të ardhmen.
