Norvegjia ka hyrë në histori në Kampionatin Botëror 2026 duke u bërë kombëtarja e parë që aktivizon në të njëjtën ndeshje tre futbollistë, baballarët e të cilëve kishin luajtur më parë në një Kupë Bote.
Bëhet fjalë për Erling Haaland, Alexander Sørloth dhe Kristian Thorstvedt, të cilët po ndjekin gjurmët e baballarëve të tyre , Alf-Inge Haaland, Goran Sørloth dhe Erik Thorstvedt, që përfaqësuan Norvegjinë në Botërorin e vitit 1994 në Shtetet e Bashkuara të Amerikës.
Tre dekada më vonë, bijtë e tyre janë bërë protagonistë të kombëtares norvegjeze, duke shkruar një kapitull unik në historinë e Kupës së Botës.
Ky është rasti i parë kur tre futbollistë, etërit e të cilëve kanë luajtur në një Botëror, zbresin së bashku në fushë në të njëjtën ndeshje.
Ky moment i veçantë është një dëshmi e vazhdimësisë së traditës futbollistike në familjet norvegjeze dhe tregon se pasioni, talenti dhe përkushtimi për këtë sport mund të trashëgohen nga brezi në brez.
Një rekord që me siguri do të mbetet gjatë në historinë e futbollit botëror.
