Hajdin Salihu rikthehet te Drita
FC Drita ka zyrtarizuar rikthimin e mbrojtësit Hajdin Salihu, i cili do të veshë sërish fanellën bardhekaltër pas aventurës së tij jashtë Kosovës.
24-vjeçari rikthehet në klub pas eksperiencës në futbollin ukrainas dhe atë polak, duke sjellë me vete përvojën e fituar në arenën ndërkombëtare.
Nga klubi kampion i Kosovës vlerësojnë se Salihu do të jetë një përforcim i rëndësishëm për repartin defensiv, falë cilësive, karakterit dhe përvojës së tij.
“Mirë se u ktheve në shtëpi, Hajdin! Le të shkruajmë bashkë kapituj të rinj të historisë së Dritës”, thuhet në njoftimin e klubit.
Rikthimi i Salihut është një tjetër lëvizje e rëndësishme e Dritës në afatin kalimtar, teksa kampionët e Kosovës po vazhdojnë përforcimin e skuadrës për sezonin e ri.
