KV Drita e ka filluar me humbje edicionin e ri garues 2026/27 në Superligën A të Kosovës në volejboll për meshkuj, pasi u mposht në xhiron e parë nga Peja me rezultat 1-3 në settet (20:25, 25:19, 23:25, 21:25).
Në ndeshjen e zhvilluar në palestrën sportive në Kamenicë, volejbollistët e Dritës nuk arritën të shfrytëzonin momentin e mirë pas barazimit të shifrave, duke pësuar humbje në dy settet e fundit me rezultat të ngushtë.
Takimi nisi më mirë për pejanët, të cilët e fituan setin e parë me shifrat 20:25. Drita diti të reagonte shpejt në setin e dytë, ku me një lojë më të organizuar triumfoi 25:19, duke dhënë sinjale për një përmbysje të mundshme.
Megjithatë, në dy settet vijuese gjilanasit lëshuan pikë tejet të rëndësishme në pikët përmbyllëse. Peja u tregua më e qetë dhe më e saktë në momentet përcaktuese, duke i marrë settet e tretë e të katërt me shifrat 23:25 dhe 21:25.
Me këtë humbje në shtëpi, Drita e nis kampionatin pa pikë, ndërsa Peja merr fitoren e parë të sezonit. / dita24h /
