Kryqi i Kuq i Kosovës – Dega Gjilan ka marrë pjesë aktive në punëtorinë “Ushtrim Tavoline – Tërmet”.
Ky aktivitet u organizua nga Drejtoria për Mbrojtje dhe Shpëtim e Komunës së Gjilanit, në bashkëpunim të ngushtë me Agjencinë e Menaxhimit Emergjent (AME).
Ky ushtrim i rëndësishëm simuluar u realizua me mbështetjen e Misionit të OSBE-së në Kosovë.
Qëllimi kryesor i këtij aktiviteti ishte rritja e gatishmërisë, përmirësimi i koordinimit ndërinstitucional dhe ngritja e kapaciteteve të përbashkëta për të reaguar në mënyrë profesionale dhe të shpejtë në rast të tërmeteve apo situatave të tjera emergjente që mund ta prekin rajonin.
