Ka njerëz që jetojnë me nder, me burrëri dhe me dashuri të pakufishme për Atdheun, por ka edhe të tillë që me jetën dhe qëndresën e tyre bëhen simbol i pavdekësisë kombëtare.
Njëri ndër ta ishte edhe Axha Mehmet Malaj, babai i Heroit të Kombit .
Më 18 maj 1998 pushoi së rrahuri zemra e një plaku të madh shqiptar, zemra e një babai që i dha Kosovës dhe Kombit një nga luftëtarët më të mëdhenj të lirisë, çlirimit dhe pavarësisë së Kosovës.
Vdekja e plakut atdhetar Mehmet Malaj nuk ishte vetëm dhembje familjare, por dhembje e mbarë popullit shqiptar.
Atë ditë, u mbulua nga heshtja e pikëllimit dhe nga krenaria e një populli që dinte të nderonte burrat e mëdhenj.
Rrugët e qytetit u mbushën me mijëra njerëz që kishin ardhur për t’i dhënë lamtumirën e fundit babait të Heroit të Kombit Rexhep Malaj.
Ishte një varrim madhështor, një varrim që dëshmoi se populli shqiptar nuk i harron ata që sakrifikojnë gjithçka për lirinë dhe idealin kombëtar.
Burri i madh i Atdheut Mehmet Malaj ishte simbol i qëndresës shqiptare.
Ai përjetoi dhimbjen e madhe të rënies së birit të tij, gjigandit Rexhep Malaj, por asnjëherë nuk u thye dhe nuk u dorëzua.
Qëndroi stoik, i papërkulur, krenar dhe i pathyeshëm, ashtu siç i ka hije një babai shqiptar që kishte rritur një Hero të përmasave të mëdha të Kombit.
Koha kur u nda nga jeta ishte ndër periudhat më të lavdishme dhe më të dhimbshme të Kosovës.
Lufta e kishte shpërthyer.
Në po luftonin në krye me Komandantin Legjendar .
Ndërsa në nga dhe në çdo cep të Kosovës po ndizej fuqishëm flaka e lirisë.
Në atë flakë të madhe liridashëse, edhe varrimi i Axhës Mehmet Malaj u shndërrua në një manifestim të madh kombëtar.
Populli shqiptar e përcolli me lot në sy, por me kokën lart, me mburrje e krenari.
Sepse po ndahej nga një burrë që jetoi me nder dhe la pas një emër që do të kujtohet gjithmonë me respekt.
Mehmet Malaj nuk ishte vetëm babai i Heroit të Kombit Rexhep Malaj.
Ai ishte babai simbol i shumë bijve dhe bijave shqiptare që luftuan për liri, çlirim e pavarësi të Kosovës nga Serbia pushtuese.
Axha Mehmet Malaj ishte sinonim i burrërisë dhe i dashurisë së pakusht për Atdheun.
Sot, kujtimi për Axhën Mehmet Malaj mbetet i gjallë në zemrat e shqiptarëve.
Emri i tij do të nderohet gjithmonë me respekt, pranë emrit të Heroit të Kombit Rexhep Malaj dhe të gjithë atyre që i dhanë Kosovës dinjitet, krenari, liri, çlirim e pavarësi.
Lavdi e përjetshme Axhës Mehmet Malaj!
Ismet Sylejmani
PRISHTINË, 18 maj 2026
