Sulmuesi anësor i Gjilanit, Oltion Bilalli, është përzgjedhur futbollisti më i mirë i xhiros së dytë në elitën e futbollit kosovar, duke marrë çmimin Ylli i Javës.
Federata e Futbollit e Kosovës, në bashkëpunim me sponsorin e Superligës, Albi Mall, vazhdon ndarjen e këtij çmimi tradicional për lojtarët më të dalluar të çdo xhiroje.
Vlerësimi për këtë javë është bërë nga Komisioni i Veteranëve të Futbollit.
Bilalli ishte protagonisti kryesor në fitoren 0:2 të Gjilanit si mysafir kundër Llapit, ku me dy golat e tij i siguroi skuadrës pikët e plota.
Teksti i plotë nga FFK:
Ylli i Javës – Xhiro 2
Federata e Futbollit e Kosovës, në bashkëpunim me sponsorin zyrtar të Superligës, Albi Mall, vazhdon edhe në edicionin 2026/27 me ndarjen e çmimit tradicional Ylli i Javës, i cili i dedikohet futbollistit më të dalluar të çdo xhiroje në Albi Mall Superligë.
Pas ndeshjeve të xhiros së dytë, ky çmim i është ndarë futbollistit të SC Gjilani, Oltion Bilalli, i cili u dallua me paraqitjen e tij në përballjen ndaj KF Llapi.
Bilalli ishte personazhi kryesor i skuadrës së tij, teksa fitorja e Gjilanit mban vulën e tij. Me dy gola të shënuar, ai ishte vendimtar në triumfin 0:2 ndaj Llapit, duke i siguruar skuadrës së tij pikët e plota.
Vlerësimi për çmimin Ylli i Javës është bërë nga Komisioni i Veteranëve të Futbollit.
