Nga Sevdail Hyseni
Në bankën qendrore, diku në një shtet,
Hyjnë grabitësit me rrëmbim si tërmet.
Njëri bërtet shpejt do të kaloj rrëmuja,
Paratë janë të shtetit. Jeta është e juaja!
Një zonjë e shtrirë reagon me provokim,
Grabitësi ia kthen me plot përkushtim:
– Mjaft!- merru me etikë e me qytetari,
Kjo është grabitje, nga amoraliteti i ri!
Rrëmbyesit e parave, mbyllën aksionin,
Nuk gjetën para për aq sa ata kërkonin.
Në mbrëmje mediat me lajme kryesore,
U vodhën miliona nga banka shtetërore!
Drejtori i bankës e thirr policinë urgjent,
Për të paraqitur plaçkitjen me publicitet.
Banka e cila deri dje na ishte në dështim,
Me grabitje i shndërroi humbjet në fitim!
Në fund, vjen pyetja e cila djeg si qymyr:
– Vlerëso, kush është grabitësi më i mirë?
Ai, me maskë, kallash, apo kollare e jelek,
Që ta shet buzëqeshjen hipokrite për lek?!
Spica Metalike
(Karikatura marrë nga interneti)
