Sot janë bërë plot 27 vjet nga rënia e dëshmorit Mulla Nysret Hajdari, një figurë e ndritur që dha jetën për lirinë e Kosovës. Në këtë përvjetor të dhimbshëm por krenar, Këshilli i Fshatit Dobërçan të komunës së Gjilanit ka kujtuar me nderime të larta figurën e hoxhës së ndjerë dhe të gjithë dëshmorëve të tjerë.
Përmes një mesazhi, Këshilli i Fshatit ka theksuar se kujtimi për dëshmorët mbetet i gjallë në zemrat e secilit qytetar.
“Gjaku i derdhur dhe vuajtjet e tyre janë themeli mbi të cilin ndërtohet sot Kosova e lirë. Kurrë nuk do t’i harrojmë. Sakrifica e tyre na detyron të jemi të denjë për lirinë që na e sollën. I përjetshëm qoftë kujtimi i tyre. Lavdi dëshmorëve të kombit dhe gjithë atyre që sakrifikuan për këtë liri”, thuhet në kujtimin e Këshillit të Fshatit Dobërçan.
Poezi kushtuar hoxhës së ndjerë: “Rreze shprese për liri”
Për të nderuar këtë 27-vjetor të rënies, dëshmorit Mulla Nysret Hajdari i është kushtuar edhe një poezi prekëse, e cila pasqyron trimërinë e tij në ditët e fundit të luftës, pikërisht më 13 qershor 1999, kur forcat armike serbe po largoheshin nga Kosova.
RREZE SHPRESE PËR LIRI (Kushtuar Mulla Nusret Hajdarit)
Ditë e bukur ish me diell
Rrezet e ngrohta na jepnin shpresë
Se liria e shumëpritur
Që i printe flamuri i valëvitur
Ishte afër dhe po vinte
Me rreze dielli, rreze drite.
13 Qershor ‘99
Nanë Xhevahirja mbet pa djalë
Kosovës gjakun ja kish falë Për liri jetën kish dhanë
Për Atdhe u ba kurban
Tu’i pri fshatit Dobërçan.
Armiqtë serbë të katandisur
Prej Kosovës duke ikur
Të pangopur me gjak shqiptari
E vranë hoxhë Nusret Hajdarin
Sy patrembur, djalë bujarë
Për Kosovë Dëshmorë ka ra.
Me gjak t’njomë ujiti tokën
Vepra e tij ndërroi epokën
Nderoi veprën e të parëve
Historinë e gjithë shqiptarëve.
